Friday, April 20, 2012

Flashback Bi(h)u: Atai siyum unsori kokkolo gíma:ne?

Unsori kokladung do:lung akolo dek posuré.Photo: RK Mili

Gíné Ru:nyi longédo (Saturday)ngo rokompé asupdokké darobma:dapé inbox do sms ko dénga:do kinmanam nombor akolokké..inbox dém ka:namé sémpé attak "Oi Pegu kapé...Bi(h)u so okum gíkumane,asinang omane do:lung maksong so:namdém...mé:pa mane ya:me-mímbír  penamdém....oi ni:tom monam...ngokké aipé mé:namsé ka:ngab la:ma:nam sí:lungko...".Lékko:lo poritísuma:la lényik porito. Yig émangkang asinsé...ní:lad sukunammé ngok lekek ajon ako, hostel du:jonko....Dhakuatokké! Bí:sin nétalujar (metropolitan) Guwahati so dung émdak, okum gílatokumang. Ngo darobla khiriki dokké ka:namé mo:tépé jajjarém mé:pangkang ané ruyidok dité dém ka:bekla...aropé poril du:la turnamsé sémpéi ikabon?Asinang odaggom nítum sul du:padak....Mé:mi mé:mi la du:dom....po:pé agomém dekko mé:patoku...édémíng ngo orpan sudung sido noluk kéra:lo....

Rígu monan ayir angka:bo! Photo: RK Mili
Supakké po:lo sé kombong po:lo....gejik-geropé takamloi néi-néngan ngansa:né ayirré.Ngo mé:padak supakké ayir souíma:lang rígu modí dan!Yummém Bi(h)u kokkolo ngolu apin dodangel sumrop dungai....longgém édílo:sin gípí mangko do:lu lo:pé yumé atéré do:lung ko:um-ko:pi ko:pé sambín dungai (h)unsori kokkolo. Mímbír oko do:lu lo aba:yadakji édém 'target' la:la ajon-arum appíngé gídungai okolai ako yadgab layebaji émna! Unsori kokdom abayang koué "atai déngatobo" émgel ko:néng ara:do kogangobomdagai.Odokké ko:néngém kapidagbon kindagéipe...baibí oko jadén?okkom poridubon??okolo???jajjarpé tadbomna ikum sipal asin do:yingém kíleno bomdagaboi. Kabo ma:yenémpé imíloi rígu moko aríkdém tadgab bomna gídakkubong ko:kídí dé.Kindagéi pé longkondo lékoda rígu mo:kodo "bostu"dém 'yadgabpodanyé' émgel apin dogel yaplenéi dagbo. Oi kapjoné kouém gíbo dungai....mibo (aloi) ya:me yé ni:tom mopa:yé émmíloi odo mojonédé jé:rob bomdagaboi. Lamku do ngolu asopé 'oiya...."émna jé:sa do:do jé:míno dagaboi...


Post a Comment

Disparaging content in Assamese dailies on the plight of Mising tribe

Mising tribesmen inhabiting the Laika and Dodhia areas of Dibru Saikhowa national park in Upper Assam has been struggling for survival spac...