Sunday, October 24, 2021

Jonai dok tribal belt éla block mopen namdé kémo lo:pé ní:líknammé

Gíné September 30, 2021 do Assam sok Bharatiya Janata Party (BJP) dunggéboné migomé Dhemaji do cabinet meeting ila 400 crore aré ko dek project ém tosék Dhemaji odokké Assam sok légangé. Takaméi édé project kídar dokki bojéko tanié aiyé émna mé:líkla dung. Ki:nam kangko poko, ané ru:yi bédang la:len nam odolo:pé Mising réngamké mé:mopénam kamang.
Source: Govt. of Assam

Mising réngamké mé:mo pénamdé migom tarung ager dok bottan agomdé Murkongselek tribal belt and block (Jonai) dém mopen namdém. Réngamém luposuma:pé mé:nam mé:sala moték nam aiman lékor. Anupé tribal belt ko Sisi Tongani do mogetak émna sin ru:lento. Sutkanpnam agomdé sé anu tribal blet mogenam légangé ru:mi ru:tum dé lutad biné ope: kéra:do ludagai bulu non-tribal tani lok dolungém langamang émna buluk réngam kébangém léngkanka. Sékkésin objection kama émdakdo:pak bulu Sis Tongani tribal belt la:lentak. Sé agomsé migomlok democratic né agomé, bulu non-tribal tanié kinmo ge:la decision la:tak. Émpigel Mising tani abarungko dungko Jonai amo:dok tribal blet and block odokké Charikaria tribal belt dém mopen-moren nam dém Mising manggom angu tribal ope:ém tatsu ka:su ma:pé itak. Sémpé taniém kinmo ma:pé public policy tosék named aimané samténgko migom lokké. Ngoluk dungkodoi ngolum kinmo ma:pé decision la:namdém undemocratic dokké authoritarian séuom ladkansunamé.

Lédu mokutsula du:né ope:lokké sé migom a:péné adí do ngasodlo níbutlíkyé. Sixth Schedule ma:nam ager dok agom apir ko:sin supak lu:len tokuma. Ngoluk Sixth Schedule ara:lok district council ma:named édílo aropé iyen édém kémo lénggel ngoluk dungko dakko amongé angunon-tribal ésin réla-kola monamdé ngolum aíké amongí:do ajjimo:ye (minoritypé imoyé lédu-lamkupé. Dírbí, agom, political, rénam, murkongtarung takm kéreng Mising réngam lokké ngasod a:
Lutad pangkampé Jonai do supak 48 per cent ko Mising dung, sé moimnag 75 dítak po:pé Mising 100 per cent kai. A:péné 25 dítak lo ngolukké édé percentage dé nértok nam abayang chance ka:dung.Dhemaji dok cabinet kébadé Mising lokképé yakané longé pé ila du:yé.
Source:Govt. of Assam

Sapdanmílo Jonai-Murkongselek dém 1911 do Pasighat amonglo Poju Mimak lédupé British é la:té name. 1947 dítak do:pésin Mising among Jonai dé Assam so:k ara:so langa mangai. Murkongselek Transferred Area Act dok kokki 1950 lédupé Murkongselek dé Assam ara:so dungkangku. Sé le:ke do:ying sém saptékmílo Jonai dok history dém migomé respect bila mopen-morenpénam kamangai tribal belt éla block dém. Ngouk dungko amongémsin Article 370 dokkémpé me:yísula inam dé tribal réngam lokké yampok légang aima sé migom ager inamsé.


No comments:

What is ailing the Mising language?

It is argued in social media these days that MIsing language has not seen development as that of Bodo language. Although it was postee by so...